ចៃដន្យវាសនា ចារឲ្យរូបខ្ញុំ
បានជួបក្រមុំ នៅម្តុំវត្តកែង
ឃើញភ្លាម ធ្វើឲ្យចិត្តរៀមចម្បែង
កើតទុក្ខម្នាក់ឯងដូចក្លែងដាច់ខ្សែ។
ឆ្លូងស្នួលសម្បូរថ្មគ្រែក្រគរ
បុប្ផារស្រស់ល្អ ល្អចាញ់អូនទេ
បុប្ផាវត្តកែងអូនស្អាតជាងគេ
បើបងសុំស្នេហ៍ ព្រមទេជីវា។
ក្នុងក្រៅវត្តកែង កន្លែងជួបស្រី
ឲ្យបងស្រម៉ៃឃើញតែភក្ត្រា
ឆោមយង់ដឹងហើយថាបងស្នេហា
សូមកែវជីវាប្រណីបងផង។
បារមីតាចាន់ សូមលោកជួយខ្ញុំ
អន្ទងចិត្តមុំឲ្យយល់បំណង
បើបានវមិត្ត ដូចចិត្តរៀមផ្សង
ស្ម័គ្រថែស្នេហ៍ស្នងដរាបរៀងអើយ។
និពន្ធដោយៈ យាន សំណាង
ថ្ងៃ ពុធ ទី១១ ខែកក្កដា ឆ្នាំ២០១២
រិះគន់ស្ថាបនាៈ yeansamnang@gmail.com
គេហទំព័រៈ http://samnanglaor.wordpress.com/ ឬ http://wacambodian.wordpress.com/
គេហទំព័រៈ http://samnanglaor.wordpress.com/ ឬ http://wacambodian.wordpress.com/
ឬទូរស័ព្ទៈ ០៩៦ ៩៩ ៣៤៣ ៩៦ ឬ ០៩៧ ៩៩ ៣៤៣ ៩៦
0 comments:
Post a Comment
សូមអរគុណចំពោះការចូលមកលេងប្លុកនេះ៕