រំដួលមួយទងដែលបងស្រមៃ
ចង់រួមនិស្ស័យជាគូជីវិត
អូនគឺជាផ្កាក្រចេះដួងចិត្ត
បេះដូងបងពិតចង់ថ្នាក់ថ្នមថែ។
បងជាកម្លោះស្រុកព្រែកប្រសព្វ
សារភាពសូមភ្ជាប់គូគាប់នឹងស្នេហ៍
បើបានឮហើយត្រាណត្រើយមាសមេ
គិតយ៉ាងណាដែរ ព្រមទេពិសី។
ក្រចេះដូចគ្នា ពម្ងារឆោមស្និទ្ធិ
សូមអូនអាណិតដល់ចិត្តភក្តី
អ្នកព្រែកប្រសព្វ សូមភ្ជាប់និស្ស័យ
ក្រចេះថ្លើមថ្លៃ សូមស្រីមេត្តា។
ទន្លេមេគង្គ កោះទ្រង់ សក្សី
សូមចាំសម្តី ខ្ញុំស្បថសច្ចា
បើបានវមិត្តដូចចិត្តប្រាថ្នា
ខ្ញុំថ្វាយភ្លេងការ បញ្ជាក់ស្នេហ៍ស្មោះ៕
និពន្ធដោយៈ យាន សំណាង
ថ្ងៃពុធ ទី១៦ ខែកុម្ភៈ ឆ្នាំ២០១១
រិះគន់ស្ថាបនាៈ yeansamnang@gmail.com
ឬទូរស័ព្ទៈ ០៩៦ ៩៩ ៣៤៣ ៩៦ ឬ ០៩៧ ៩៩ ៣៤៣ ៩៦
គេហទំព័រៈ http://samnanglaor.wordpress.com/ ឬ http://wacambodian.wordpress.com/
0 comments:
Post a Comment
សូមអរគុណចំពោះការចូលមកលេងប្លុកនេះ៕